Tá an suíomh seo dírithe ar scoláirí dara leibhéal, fud fad na tíre. An rud atá ann ná stóras mór le haghaidh áiseanna iar-bhunscolaíochta.
Mar a thuigeann tú, níl sé éasca freastal ar gach aon ábhar, ag gach aon leibhéal, sa dá churaclam atá againn in Éirinn. Mar sin de, tá go leor áiteanna sa stóras seo atá folamh go fóill ach beimid ag obair i gcomhpháirt le bhur gcuid múinteoirí sna míonna, agus sna blianta atá amach romhainn, chun an fhadhb sin a leigheas!
Is féidir leat féin cuidiú freisin leis an bhearna a líonadh.
Más mian leat féin alt a scríobh faoi ábhar ar bith a bhfuil spéis agatsa ann, is féidir leat é a sheoladh chugainn ag alt_nua@aiseolas.com agus déanfaidh muid ár ndícheall é a fhoilsiú. Déan cinnte de go sonraíonn tú cén t-ábhar agus cén leibhéal atá i gceist. Más mian leat pictiúir a chur leis an alt, níl le déanamh ach na pictiúir a cheangal den ríomhphost chomh maith.
Tuigeann tú nach mbeidh muid ábalta gach alt a fhaighimid a fhoilsiú.
Le chéile, is féidir linn stór alt agus áiseanna a chruthú a rachaidh chun sochair dúinn go léir!
Is é atá i gceist leis an suíomh seo ná cartlann ina mbeidh teacht ar ailt éagsúla a bhaineann go díreach nó go hindíreach leis na hábhair atá ar fáil tríd an dá churaclam iar-bhunoideachais in Éirinn.
Mar a thuigeann tú, cuimsíonn sé seo an-chuid ábhar, thar leibhéil éagsúla.
Agus muid ag comhoibriú le cleachtóirí, thuaidh agus theas, cuirfidh an tÁisaonad le líon na n-alt de réir a chéile agus déanfaidh muid ár ndícheall éagsúlacht chomh leathan agus is féidir d’ailt a bheith ar fáil. Ceal acmhainní daonna agus ceal ama, áfach, is próiseas malltriallach a bheas anseo.
Chuige sin, chuirfeadh muid fáilte chroíúil roimh aon ailt nó áiseanna uaitse a bhaineann le d’ábhar nó le do réimse spéise féin, a bheifeá sásta a roinnt linne, le cleachtóirí eile agus le scoláirí uile na tíre. Níl le déanamh ach téacs an ailt móide aon íomhánna nó léaráidí a ghabhann leis a sheoladh chugainn ag alt_nua@aiseolas.com.
Más mian leat plé breise a dhéanamh faoi ghné ar bith den suíomh seo, is féidir glaoch ar (048) 90 243864.
